Елімізде жаңа теміржол салынады

0
265

Тоқаев жаңа теміржолды салуды тапсырды.


Елімізде жаңа теміржол салынады

фото: пресс-служба АО "Казахстан темир жолы"

ERNUR.KZ. Қазақстан президенті Қасым-Жомарт Тоқаев жаңа теміржолдың құрылысын бастауды тапсырды, деп жазады sputnik.kz.
Президенттің айтуынша, жүк тасымалына қатысты артықшылықты толықтай әрі тиімді пайдалануымыз керек. Осы орайда Қазақстан арқылы өтетін темір жол дәлізін дамыту жұмысын тездету қажет.
"Бұл бағыттағы маңызды жобалардың біразы қазір жүзеге асырылып жатыр. Алдын ала қамданып, жұмысты тоқтатпай, жалғастыра беру керек. "Мойынты – Қызылжар" бағытында жаңа темір жол құрылысын бастауды тапсырамын. Сондай-ақ Қызылжар бекетінен Ақтау портына дейінгі күре жолдың қозғалысы аса көп учаскелерін жаңғырту керек", - деді Тоқаев үкіметтің кеңейтілген отырысында.
Бұдан бөлек, "Алтынкөл – Жетіген" темір жолын да кеңейту қажет. Ол Қытай мен Орталық Азия арасындағы көлік дәлізінің әлеуетін едәуір арттырады.
"Мультимодальды көлік тораптарын дамытуға баса мән берген жөн. Сол арқылы тасымалдың барлық түрін өзара кіріктіруге мүмкіндік туады. Биыл және келесі жылы осы бағытта ауқымды жұмыстар атқарылуға тиіс", - деп атап көрсетті Тоқаев.