ERNUR.KZ. Энергетика министрлігі атомдық және энергетикалық қадағалау мен бақылау комитетінің төрағасы Сұңғат Есімханов Екібастұз ЖЭО-ның алдағы жылу беру маусымына дайындығын тексерді, деп жазады sputnik.kz.
"Бүгінгі күні Екібастұз ЖЭО-да "Екібастұзжылуэнерго"" ЖШС 7 қазандық агрегатына күрделі және 1 қазандық агрегатына ағымдағы жөндеу жұмыстарын жүргізіп жатыр. 2023 жылдың 1 наурызы мен 31 шілдесі аралығында 7 қазандық агрегатына күрделі жөндеу жұмыстары аяқталды", - деді Сұңғат Есімханов.
Ол жылу беру маусымының басында Екібастұзда екі энергетикалық және екі су жылыту қазандығы іске қосылып, екі қазандық резервте болатынын айтты. Осы жылдың 31 қазанында кестеге сәйкес тағы 4 қазандық қондырғысын жөндеуді аяқтау жоспарланып отыр.
"2023-2024 жылдардағы жылыту маусымына дайындық аясында энергетикалық кәсіпорындарда жөндеу науқанының өтуі қатаң бақылауда тұр", - деп жазылған энергетика министрлігінің баспасөз хабарламасында.
