Фитнес-бапкердің өлімі: адвокаттың бірі сотталушыны қорғаудан бас тартты

0
301

Спортшы Алина Серікованың өлімі бойынша іс апелляция тағы кейінге қалды.


Фитнес-бапкердің өлімі: адвокаттың бірі сотталушыны қорғаудан бас тартты

ERNUR.KZ. Адвокат Алина Серікованың ісі бойынша сотталғандардың бірі адвокаты қорғаудан бас тартты. Сот отырысы қайтадан кейінге қалдырылды, деп жазады ulysmedia.kz.

Маңғыстау облыстық сотында прокуратураның шағымынан кейін спортшы Алина Серікованың өлімі бойынша іс апелляция тағы кейінге қалды. Оған себеп – сот отырысында адвокаттың бірі сотталған адамды қорғаудан бас тартқан.

Апелляция, бұрынғыдай баспасөздің қатысуынсыз жабық режимде өтті. Марқұмның ағасы Бауыржан Жолжанды қолдау үшін сотқа туыстары мен жақындары келді. Келесі отырыс 30 қаңтарға белгіленді.

Бұл шешім істің жақын арада аяқталуын күткен қатысушылардың наразылығын туғызды. Залда болған Алинаның анасы әділдікке шақырып, көз жасын ұстай алмады.

Алина тірі болғанда былтыр 30 қазанда отыз жасқа толар еді. Арайлымның айтуынша, 2024 жылдың 14 мамырында Алина спорт кешеніндегі жұмысынан шығып, сөмкесін асынып, үйіне жаяу аяңдаған. Сол кезде артынан көлік тоқтаған. Ішінен бірнеше жігіт шығып, Алинаны «есірткі тасушы деп ойлап», машинаға күштеп отырғызып, жолды көрмес үшін көзін байлап, «Хазар» базары маңындағы жанар-жағармай тұрағына келіп тоқтаған.

Олар Алинаны ұрып-соғып, қорқытып бөлменің ішіне қамап қойған. Атынан телефоны арқылы 2 млн теңге несие алған. Әрі қарай қасына ертіп алып, ақшаны шешетін жер іздейді. Қателеспесем кейін сотталған С. 2009 жылы өзінің жүріп жүрген қызын зорлап, бөлшектеген және бір дүкенді тонап 15 жылға сотталған. Сол жазадан кейін де осындай әрекетке барып тұр, - дейді Арайлым.

Сіңлісінің сөзінше, көлікте Алинаны «есірткі тасушы екеніңді мойында» деп қинаған. Сөмкесін қарап, киімдерді көрген соң спортшы екеніне сенгендей болған. Бірақ, бәрібір жібере қоймапты. Арайлымның сөзінше, Алинаға ер адам бейнеленген ұятсыз видеоны қинап, соңына дейін көрсеткен, мефедрон берген. С-мен көлікте жалғыз қалған. Таңға дейін ойларына келгенін істеп, мекенжайын білетінін, біреуге айтса өлтіріп кететінін айтып, үйіне әкеліп тастаған.