Оқу-ағарту министрлігінің атынан келген Балалардың құқықтарын қорғау комитетінің төрағасы Насымжан Оспанова ЛГБТ насихатына қарсы заң жобасын қолдайтынын айтты.
ERNUR.KZ. Мәдениет және ақпарат министрлігі ЛГБТ насихатына қарсы петиция бойынша қоғамдық талқылау ұйымдастырды. Кездесуге БАҚ өкілдері мен қоғам белсенділері қатысты, деп жазады inform.kz.
Оқу-ағарту министрлігінің атынан келген Балалардың құқықтарын қорғау комитетінің төрағасы Насымжан Оспанова ЛГБТ насихатына қарсы заң жобасын қолдайтынын айтты. Комитеттің UNICEF-пен бірлесіп жүргізген сауалнамасына қатысқан балалардың 11%-ы жеке танымайтын адамдарға өз суреттерін жібергенін мойындаған. 19 балаға суретін сұрап, ақша ұсынған. Ал 15 баланы экранның ар жағындағы «досы» кездесуге шақырған. 83 бала жыныстық сипаттағы хабарлама алғанын мәлім еткен көрінеді.
Ішкі істер министрлігінің атынан сөз алған Азаматтық полиция комитеті төрағасының орынбасары Ренат Зұлхайыров та ЛГБТ-ға қарсы заң қабылдау ұсынысын қолдайтынын айтты. Балаларға жыныстық күш көрсету фактілерінде кәмелетке толмағандардың үлесі баршылық екенін нақты мысалдармен баяндаған ІІМ өкілі мұндай бассыздықтардың артында ЛГГБТ насихаты жатуы да мүмкін екенін айтты.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
