Қарағанды шахтасындағы жұмысшы өлімі: Тергеу басталды

03.04.2022 11:02

1 020

Қайғылы оқиға туралы жаңа деректер де белгілі болды.

ERNUR.KZ. Костенко атындағы "АрселорМиттал Теміртау" шахтасында тау-кен жұмысшысы қаза болды. Полицейлер оқиғаның мән-жайын анықтау үшін тергеу бастады, деп жазады Tengrinews.kz.

Полицейлер ҚР ҚК-нің 277-бабы 2-бөлігі "Абайсызда адам өліміне әкеп соққан тау-кен немесе құрылыс жұмыстарын жүргізу қауіпсіздігі ережелерін бұзу" бойынша тергеу жүргізіп жатыр.

"Соталды тергеу басталды, мән-жайлар анықталып жатыр", - деп толықтырды Қарағанды облысы ПД баспасөз қызметіндегілер.

Қайғылы оқиға туралы жаңа деректер де белгілі болды. Марқұмның әріптестері ол жер асты тау-кен монтаждаушы болғанын айтты. Глинник механикаландырылған бекітпесін бөлшектеу жұмыстары кезінде ер адамның үстіне шатыр құлап, ауыр жарақат алғаны анықталды. Ер адам шахтаға дәрігерлер бригадасы келгенше қайтыс болды.

"Басы мен мойын омыртқасы қатты жараланған, медициналық көмек келгенге дейін ер адам қайтыс болды", - деді марқұмның әріптестері.

Еске салайық, бұған дейін Костенко атындағы "АрселорМиттал Теміртау" шахтасында тау-кен жұмысшысы қаза тапқаны белгілі болды. Мердігер ұйым қызметкерінің қаза болу дерегін компания баспасөз қызметі растады. Оқиғаның мән-жайын анықтау үшін мемлекеттік комиссия құрылды.