Қарағандыда 10 тұрғын үй кешенінің құрылысы тоқтатылды

24.07.2023 15:23

693

Жауапсыз құрылыс салушыларды мониторинг барысында Қарағанды қалалық сәулет және қала құрылысы бөлімі анықтаған.

ERNUR.KZ. Қарағандыда сот шешімімен 10 тұрғын үй кешенінің құрылысы тоқтатылды. Жоспардан тыс тексеріс кезінде құрылыс компанияларының рұқсат құжаттары болмағаны анықталды, деп жазады sputnik.kz.

"Деректер бізге берілген соң, 10 компанияға жоспардан тыс тексеріс жүргізіп, заңбұзушылықтар туралы сотқа шағым түсірдік. Құрылыс салушылар ӘҚБтК-нің 314 "Жобалық құжаттамасыз құрылыс", 321 "Авторлық-техникалық қадағалаусыз құрылыс жүргізу" және 463 “МСҚБ талон-хабарламасысыз құрылыс жүргізу" баптары бойынша әкімшілік жауапкершілікке тартылды. Барлығына айыппұл салынды, – деді мемлекеттік құрылыс инспекторы Думан Қасымжанов.

Егер ескертулер жойылмаса, нысан пайдалануға жіберілмейді және қабылдау актісін алмайды.

Жауапсыз құрылыс салушылар тізіміне мына компаниялар кірді:

"T-K Building" ЖШС ("Al-Farabi" ТК);

"TT INVEST-2022" ЖШС ("Хан" ТК);

"Satti Lux Stroy" ЖШС ("Нұра" ТК);

"Baiterek-2022" ЖШС ("Аманат" ТК);

"СМК Group" ЖШС ("Baiterek" ТК);

"Григорян Ш. Н." ЖК (КТ);

"TBL building" ЖШС ("Tole Bi 2" КТ);

"Revival Alliance" ЖШС (Ержанов к-сі, 63/2);

"ККК Бетон" ЖШС ("Бақытты отбасы" ТК);

"Optima-Stroy" ЖШС ("Династия" ТК).

Әкімдіктің ақпаратынша, қазір экономикалық сотта үш тұрғын үй кешенін өз еркімен салу деп тану туралы талап-арыздар қаралып жатыр. Бұл Al-Farabi ТК (құрылыс салушы "Т-К Building" ЖШС), "Хан" ТК (құрылыс салушы "ТТ-Инвест" ЖШС) және "Нұра" ТК (құрылыс салушы "Satti Lux Stroy" ЖШС).

Сондай-ақ, үлескерлердің қаражатын заңсыз тартқаны үшін 15 компанияға 320-бап бойынша айыппұл салынды. Толық тізіммен мына жерден танысуға болады. Қазір облыстық мемлекеттік сәулет-құрылыс бақылауы басқармасының қарауында осындай заңбұзушылықтар тіркелген тағы екі компания бар.