Қарағандылық оқушы қыз Американың бірнеше университетінен оқуға шақырту алды

07.03.2023 08:51

557

Адина 12-сыныпта оқиды.

ERNUR.KZ. Қарағанды қаласының Назарбаев зияткерлік мектебінің оқушысы Адина Жайлова Американың үздік төрт университетіне оқуға шақырылып, оның таңдауы Джон Хопкинс университетіне түсті, деп жазады zakon.kz.

Адина 12-сыныпта оқиды. Ол бірнеше әлемдік жоғары оқу орнына өтінім жіберіпті. Нәтижесінде Джон Хопкинс университетіне (John Hopkins University), сондай-ақ Питтсбург (University of Pittsburgh), Мичиган штатындағы (Michigan State University) және Бостондағы (Northeastern University) университеттерге оқуға шақырту алды.

"John Hopkins University университетінде іріктеуден өту өте қиын. Жыл сайын оған 30 мыңнан астам адам түсуге тырысады, бірақ үміткерлердің тек 6% ғана өтеді. Бұл АҚШ-тағы оқыту мен ғылымды біріктірген алғашқы оқу орны. Джон Хопкинс университетінің түлектері арасында Нобель сыйлығының 27 лауреаты бар", - деп жазады Қарағанды облысы әкімдігінің баспасөз қызметі.

Адина Жайлова университетте биохимияны оқығысы келетінін айтады.

"Менде екінші курстың соңында мамандық туралы шешім қабылдауға мүмкіндігім бар. Қазақстанда ғылымның дамуына өз үлесімді қосу үшін PhD алуды жоспарлап отырмын".Адина Жайлова