Кәсіпкерлер жыл соңына дейін жалға алу ақысынан босатылады

ERNUR.KZ. Кәсіпкерлер жыл соңына дейін жалдау ақысынан босатылады. Ұлттық экономика министрлігі жаңа бұйрыққа қол қойды, деп хабарлайды Atameken Business.

Құжатқа сәйкес, жеңілдік мемлекеттік мекемені жалға алған шағын және орта кәсіп иелеріне берілген. Бұған дейін бизнесті қолдау ретінде жалдау ақысы 20 наурыздан бастап 3 айға тоқтатылған болатын. Енді міндетті алымдар 31 желтоқсанға дейін қайта шегерілді. Осылайша, іскер топ мемлекет ұсынған 9 айлық жеңілдік арқылы 3,6 млрд теңге үнемдей алады.

Министрлік бұйрығы 14 қазанда күшіне енді. Кәсіпкерлер өз өтініштерін gosreestr.kz порталында қалдыра алады.