Қазақстанда 5 медициналық анықтама жойылады

Министрлік келесідей медициналық анықтамалардың берілуін тоқтатты:

- алдын ала міндетті медициналық тексеруден өткені туралы анықтама;

- көлік құралын жүргізуге рұқсат беру туралы анықтама;

- психоневрологиялық ұйымнан берілетін анықтама;

- наркологиялық ұйымнан берілетін анықтама;

- туберкулезге қарсы ұйымнан берілетін анықтама.

«Қосымша анықтамалар болмайды! Кез келген азаматқа мемлекеттік қызметті алу үшін жүгінген кезде медициналық анықтамалар автоматты түрде (азаматтың өзінің рұқсатымен) ресімделетін болады!», - делінген хабарлама мәтінінде.

Ал келесі қызметтер толығымен электронды форматқа көшіріледі:

- Медициналық-санитарлық алғашқы көмек көрсететін медициналық ұйымнан анықтама беру;

- Стационарлық науқастың медициналық картасын беру;

- Пациенттерге стационарға емдеуге жатқызуға жолдама беру;

- Медициналық қызметтерді тұтынушы ретінде қатысуы туралы және міндетті әлеуметтік медициналық сақтандыру жүйесіне аударылған аударымдар және (немесе) жарналар сомалары туралы ақпарат беру;

- Дәрілік заттар мен медициналық бұйымдардың қауіпсіздігі, сапасы және тиімділігі туралы қорытынды беру.

Көрсетілген қызметтердің барлығы жақын арада электрондық үкімет сайтында қолжетімді болады.