Қазақстанда автокөлік өндірісі 40% өсті

25.07.2023 10:22

595

2023 жылдың маусым айында елімізде 14,5 мыңнан астам жеңіл автокөлік пен автобус шығарылды (бір жыл бұрынғыдан 29,2% артық).

ERNUR.KZ. Қазақстанда 2023 жылдың бірінші жартыжылдығында автомобильдер мен автобустар өндірісі 2022 жылдың сәйкес кезеңімен салыстырғанда 40%-дан астам өсті, деп жазады zakon.kz.

Қазақстанның автоөнеркәсібіндегі жай-күйі туралы ақпаратты 25 шілдеде Қазақстан автобизнес қауымдастығы (ҚАҚ) жариялады. Ұйымның мәліметінше, жыл басынан бері Қазақстанда жалпы сомасы 847 миллиард теңгеден астам сомаға 73 мыңнан астам техника шығарылған. Алты айда Қазақстанда 66,5 мың жеңіл, 4,7 мың жүк көлігі және 1,1 мыңға жуық автобус, сонымен қатар 499 тіркеме мен жартылай тіркеме және 188 басқа да арнайы техника шығарылған.