Қазақстанда балалар пластикалық хирургы мен венерологтары даярланады

ERNUR.KZ. Қазақстанның медициналық жоғары оқу орындарында 20 жаңа балалар мамандығы пайда болады. Олардың қатарында балалар кардиологиясы, аллергология және иммунология, жасөспірімдер дерматовенерологиясы, тіпті балалар пластикалық хирургиясы болады, деп жазады stan.kz.

Ведомстводағылар балаларға медициналық көмек көрсету сапасын арттыру мақсатында дәрігерлерді оқыту жүйесін өзгертуге шешім қабылдағанын айтты. Енді бірқатар сұранысқа ие мамандықтар бойынша резидентура ересектер мен педиатриялық профильдерге бөлінеді. Олар мамандандырылған педиатр мамандарының тапшылығын азайтып, жас пациенттердегі ауруларды диагностикалау, емдеу және алдын алу бойынша нақты көзқарасты қамтамасыз етеді деп үміттенеді.

Бөлінудің пайдасына негізгі дәлел анатомия, физиология, аурулардың клиникалық көрінісі, сондай-ақ ересектер мен балаларды диагностикалау және емдеу әдістеріндегі айырмашылықтар болды.

“Жаңартылған оқыту жүйесі аясында резидент дәрігерлер 20 жаңа педиатриялық бағыт бойынша білім ала алады. Олардың қатарында балалар кардиологиясы, аллергология және иммунология, гастроэнтерология, балалар жақ-бет хирургиясы, жасөспірімдер дерматовенерологиясы, балалар пластикалық хирургиясы, андрология және урология және т.б.”, – делінген хабарламада.