Қазақстанда жаздың соңғы күндері күн күрт құбылады.
ERNUR.KZ. Елдің батысы мен оңтүстігінде күн құрғақ әрі жылы болса, Қазақстанның бір бөлігінде жаңбыр, найзағай және бұршақ жауады. Ал таулы аймақтарда түнде қар аралас жаңбыр жаууы мүмкін, деп жазады ulysmedia.kz.
Қазгидромет болжамына қарағанда, 25-27 тамыз аралығында елдің солтүстігі мен шығысында ауа райы бұзылады. Бұл өңірлерде найзағай ойнап, жаңбыр жауады, кей жерлерде жауын-шашын мол түсуі мүмкін. Бұршақ жауып, дауылды жел соғады.
Ең қызықты болжам – Қазақстанның шығысы мен оңтүстік-шығысындағы таулы аймақтарға қатысты. 26 және 27 тамызға қараған түнде бұл өңірлерде жаңбыр қар аралас жаңбырға ұласуы мүмкін.
Жылы ауа райы сақталады
Жауын-шашынға қарамастан, ел аумағында айтарлықтай күн суымайды. Тамыздың соңғы күндері негізінен жылы болады.
Солтүстікте күндіз ауа температурасы +25...+32 градусқа дейін көтеріледі. Орталық және оңтүстік өңірлерде ауа +25...+35 градусқа дейін жылынады.
Шығыста бастапқыда күн салқындау болып, температура +16...+24 градус шамасында болады. Кейін ауа температурасы +20...+31 градусқа дейін көтеріледі.
Елдің батысы мен оңтүстігі жауын-шашын әкелетін бұлтты фронттардан тыс қалады. Бұл өңірлерде алдағы күндері жауын-шашынсыз ауа райы сақталады.
![](/assets/thumbnails/c6/c63d91c48cc5dcd22c1a1ae69dc20826.jpeg ""Белгілі адам болады деп ойлаймын": Тоқаев елде вице-президенттің қашан тағайындалатынын айтты")
