Жаңа стандартты ескере отырып жаңғыртылған төлем жүйелері мен банктердің ақпараттық жүйелері 2025 жылғы 13 қаңтардан бастап жаңа форматта іске қосылған.
фото: Midjourney
ERNUR.KZ. Қазақстанның төлем жүйелері, екінші деңгейлі банктер мен төлем жүйесінің өзге де қатысушылары төлем хабарламаларының халықаралық ISO 20022 стандартына өтті. Бұл туралы Ұлттық банк хабарлады, деп жазады tengrinews.kz.
Жаңа стандартты ескере отырып жаңғыртылған төлем жүйелері мен банктердің ақпараттық жүйелері 2025 жылғы 13 қаңтардан бастап жаңа форматта іске қосылған. Банктер клиенттердің төлем тапсырмаларын ақпараттық жүйелердің жұмыс кестесіне сәйкес әдеттегі режимде, еш шектеусіз және кідіріссіз қабылдап жатыр.
"Жаңа стандарт төлемдерді өңдеу ісін автоматтандыруға, сондай-ақ есеп айырысудағы жылдамдық пен қауіпсіздікті арттыруға ықпал етеді. ISO 20022 стандартының ерекшелігі – төлем немесе мәміле туралы қосымша мәліметтерді беру мүмкіндігінде. Бұл сәйкестендіру процесін жеңілдетіп, қателіктерді азайтады және клиентке көрсетілетін қызмет сапасын арттырады" - делінген хабарламада.
ISO 20022 стандарты қолданылғанда осы әдістемені пайдаланатын әртүрлі ақпараттық және төлем жүйелері арасында жаһандық үйлесімділік қамтамасыз етіледі. Қазақстан Орталық Азия елдері арасында алғашқылардың бірі болып халықаралық стандартты пайдаланатын мемлекеттердің қатарына кірді. Енді Еуропалық Одақ пен Оңтүстік-Шығыс Азия елдерімен бірге трансшекаралық төлемдерді жеңілдетіп, халықаралық сауда-саттықтың дамуына ықпал етеді.
![](/assets/thumbnails/e6/e65b6cf6866769254d8ebb1708d04a5c.png ""Түнде жүргенім үшін бір күнге қамалдым": қарағандылық әйел студенттерге ақыл айтты")
![](/assets/thumbnails/6e/6e0d2b5be286ffab537a6387cfea1475.jpg ""Әке-шеше демей эгоист болу керек екен": сүрбойдақ жүрген жігіт алдымен өз жағдайын жасамағанына өкінеді")
![](/assets/thumbnails/79/7935071c4ffb3594cc80e3433fad1b5f.jpg ""Дәрі ішіп өзің түсік жасаған шығарсың": жас келіншек өзін енесі қалай айыптағанын айтты")
