​Қазақстандық қыз "Әлем аруы" байқауында Алтын адам бейнесінде шықты (видео)

ERNUR.KZ. "Әлем аруы" сұлулық байқауында Қазақстан атынан шыққан Сабина Әзімбаева керемет ұлттық костюмді көрсетті, деп жазады Tengrinews.kz.

Таиландта 10 желтоқсанда байқауға қатысушысылар түрлі-түсті, әсерлі киімдерімен дефиле көрсетті. Онда 19 жастағы "Алматы аруы – 2017" Сабина Әзімбаева Алтын адам бейнесінде шықты.

Айта кетсек, костюмнің салмағы – шамамен 30 келі. Сабина Әзімбаева Алматы қаласында 2000 жылы 14 ақпанында дүниеге келген. "Тұран" колледжын "аудармашы және гид" мамандығы бойынша тәмамдаған. 2017 жылы "Алматы аруы" байқауын жеңген. Сондай-ақ, "Ұйғыр аруы" сұлулық байқауының жеңімпазы.

"Әлем аруы" байқауы 26 қарашада басталды. Екі апта ішінде 95 елден келген қатысушылар фотосессияға, қайырымдылық акциялар мен басқа да іс-шараларға қатысты. Байқаудың ақтық сыны 17 желтоқсанда болады.