Қарашада 30 күнтізбелік күн бар.
Фото: Tengrinews.kz
ERNUR.KZ. 2026 жылдың қарашасында қазақстандықтарды 9 демалыс күні күтіп тұр. Күздің соңғы айы мемлекеттік мерекелерсіз және қосымша ауыстыруларсыз өтеді. Сапарыңызды, жеке шаруаларыңыз бен демалысыңызды алдын ала жоспарлауыңыз үшін 2026 жылдың қараша айына арналған жұмыс және демалыс күндерінің ыңғайлы күнтізбесі, сондай-ақ кәсіби мерекелер тізімін дайындалды, деп жазады tengrinews.kz.
2026 жылдың қарашасында неше демалыс және жұмыс күні бар?
Қарашада 30 күнтізбелік күн бар. Биыл бұл ай жексенбіде басталып, дүйсенбіде аяқталады.
Аптасына бес күн жұмыс істейтін қазақстандықтар үшін тоғыз демалыс және 21 жұмыс күні болады. Алты күндік жұмыс аптасында жексенбі демалыс күні болып қалады. Сондықтан қарашада мұндай күндер саны бес, ал жұмыс күндері - 25 болады.
Бұл айда қосымша демалыс күнін беретін мемлекеттік және ұлттық мерекелер жоқ. Демалыс күндерін ауыстыру да қарастырылмаған. Сондықтан қарашада ұзақ демалыстар күтілмейді.
Қарашада қандай мерекелер атап өтіледі?
Қарашада қосымша демалыс күндері болмаса да, Қазақстан күнтізбесінде бірнеше кәсіби мерекелер мен айтулы даталар бар. Олар түрлі салаларға байланысты:
- 5 қараша - Сыртқы барлау күні;
- 8 қараша - Статистика күні;
- 10 қараша - Цифрландыру және ақпараттық технологиялар қызметкерлері күні, сондай-ақ Бухгалтерлік есеп және аудит саласы қызметкерлерінің күні;
- 11 қараша - Энергия үнемдеу күні;
- 15 қараша - Ұлттық валюта - теңге күні және Қазақстанның қаржы жүйесі қызметкерлерінің күні;
- 15 қараша - Ауыл шаруашылығы, тамақ және өңдеу өнеркәсібі қызметкерлерінің күні;
- 18 қараша - Сыбайлас жемқорлыққа қарсы қызмет органдарының күні;
- 21 қараша - Бұрғылаушы күні.
Ауыл шаруашылығы қызметкерлерінің күні қарашаның үшінші жексенбісінде, ал Бұрғылаушы күні айдың үшінші сенбісінде атап өтіледі.
15 қараша - Ұлттық валюта күнін ерекше атап өткен жөн. Дәл осы күні 1993 жылы Қазақстанда теңге айналымға енгізілді. Бұл күн еліміздің қаржы жүйесі қызметкерлерінің кәсіби мерекесі болып саналады.
Кәсіби мерекелер мен айтулы даталардың өздігінен қосымша демалыс күні болып саналмайтынын есте сақтау маңызды. Қарашада осыған байланысты жұмыс кестесі өзгермейді.
Егер сіз демалысты, сапарды жоспарласаңыз немесе жұмыс және бос күндерді алдын ала бөліп алғыңыз келсе, 2026 жылға арналған күнтізбені пайдалануға болады. Онда айлар бойынша мерекелер, ауыстырулар мен демалыс күндері жинақталған.
