ҚМА Қазақстан футбол федерациясының бұрынғы басшылығына қатысты тергеуді бастады

04.03.2025 18:20

324

Барлық тергеу әрекеттері заңнама талаптарына сай жүргізілуде.

Фото: ҚР ҚМА Баспасөз қызметі

ERNUR.KZ. БАҚ тарапынан келіп түскен сұраныстарға байланысты, Қаржылық мониторинг агенттігі Қазақстан футбол федерациясының бұрынғы басшылығына қатысты сотқа дейінгі тергеуді бастағанын растады, деп жазады inform.kz.

Ондағы мәліметтерге қарағанда, барлық тергеу әрекеттері заңнама талаптарына сай жүргізілуде.

ҚР ҚПК-нің 201-бабына сәйкес өзге ақпарат жарияланбайды.

Осыған дейін Қазақстан футбол федерациясының баспасөз қызметі Әділет Барменқұловтың федерация президенттігінен кеткенін растағаны туралы жазған едік.

Онда спорт журналистері Ә. Бәрменқұловті Қазақстан Премьер лигасында легионерлердің санын арттырған басшы ретінде сынап жүргені айтылады.