Көпбалалы отбасыларға 156 миллиард теңгеден астам жәрдемақы берілді

0
334

Төлем мөлшері бала санына қарай есептеліп төленеді.


Көпбалалы отбасыларға 156 миллиард теңгеден астам жәрдемақы берілді

ERNUR.KZ. Жыл басынан бері 579,8 мың көпбалалы отбасыға 156,2 млрд теңге жәрдемақы төленді, деп жазады sputnik.kz.

Оның ішінде сәуір айында 587,2 мың отбасыға 39,6 млрд теңге мөлшерінде жәрдемақы берілді.
Бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.
Төлем мөлшері бала санына қарай есептеліп төленеді және 2024 жылы:
4 баласы бар отбасыларға – 16,03 АЕК немесе 59 183 теңге;
5 балаға – 20,04 АЕК немесе 73 988 теңге;
6 балаға – 24,05 АЕК немесе 88 793 теңге;
7 балаға – 28,06 АЕК немесе 103 598 теңге;
8 және одан да көп баласы бар отбасыларға – әр балаға 4 АЕК немесе 14 768 теңге мөлшерінде төленеді.
Биыл көпбалалы отбасыларға мемлекеттік жәрдемақы төлеуге 474,8 млрд теңге қарастырылған.