Қосшыда 11 жыл үйін күткен тұрғындар баспаналы болды

Қосшы қаласында "Сиреневый сад" тұрғын үй кешенінен 371 пәтер пайдалануға берілді. Оның 261-і әлеуметтік осал топтағы кезекте тұрған азаматтарға берілді.

"Бұған дейін, бір ай бұрын, 11 жылдан астам уақыт бойы өз пәтерін күткен үлескерлерге 104 пәтердің кілттері табысталды. Құрылыстың тоқтап қалуына бұрынғы құрылысшының заңсыз әрекеті себеп болды", - дейді ведомство.

Құрылыс басшысы үлескерлердің 918 млн теңгесін жымқырып, 8 жылға бас бостандығынан айырылған.

Жобаны аяқтауды "КГС Сауда" компаниясы қолға алған. Бұл келісім Қосшы қаласы прокуратурасының бастамасымен мемлекетке қайтарылған 3,2 гектар жерді беру арқылы жүзеге асты.