Маңғыстауда браконьерлерден 150 келі бекіре тәркіленді

0
745

Полицейлер 35 және 39 жастағы күдікті азаматтарды ұстады.


Маңғыстауда браконьерлерден 150 келі бекіре тәркіленді

Маңғыстау облысында браконьерлерден 150 келі бекіре тәркіленді, деп хабарлайды ERNUR.KZ Polisia.kz сайтына сілтеме жасап.

Браконьерлікті, биологиялық ресурстар объектілерінің заңсыз айналымын анықтау және жолын кесу мақсатында өңірде 24 ақпан мен 13 наурыз аралығында республикалық «Браконьер» жедел-алдын алу іс-шарасы өткізіліп жатыр.

1 наурыз күні сағат 00:20 шамасында республикалық маңызы бар Форт- Шевченко - Ақтау тасжолының 89/43 шақырымында Маңғыстау облысы ПД патрульдік полиция ротасы, Маңғыстау облысы ПД табиғатты қорғау полициясы облыстық балық инспекциясы және ҰҚК Маңғыстау облысы бойынша департаменті қызметкерлерімен бірлесіп, Ford mondeo автокөлігі тоқтатылды. Автокөлікті тексеру барысында жүк салғыш бөлігінен салмағы 150,35 келі болатын заңсыз ауланған 57 дана бекіре тұқымдас балық анықталды. Аталған дерек ҚР ҚК-нің 339-бабы (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша Түпқараған ауданы полиция бөлімінің сотқа дейінгі тергеп-тексерудің бірыңғай тізілімінде тіркелді.

Полицейлер 35 және 39 жастағы күдікті азаматтарды ұстады. Тәркіленген балық «Kazakh Osseter» ЖШС мекемесіне жіберілді. Өзге ақпарат тергеу мүддесі үшін жария етілмейді.