Соңғы санақ бойынша, Жамбыл ауданындағы Үлкен ауылында 1500 адам тұрады.
Фото: Алматы облысы әкімдігінің ресми сайты
ERNUR.KZ. Алматы облысының әкімі Марат Сұлтанғазиев алғашқы АЭС салынатын Үлкен ауылын аралап көрді, деп жазады azattyq-ruhy.kz.
Жұмыс сапары кезінде облыс әкімі Жамбыл ауданындағы Үлкен ауылының әлеуметтік инфрақұрылымымен танысып, тұрғындармен кездескен көрінеді.
«Сапардың маңызды бөлігі – Қазақстандағы алғашқы атом электр станциясын салу жоспарланған аумақпен танысу болды. Жамбыл ауданының әкімі Нұрлан Ертас облыс әкіміне жер телімінің сипаттамаларын таныстырып, стратегиялық жобаны іске асыру перспективаларын көрсетті», - деп жазады облыс әкімдігінің ресми сайты.
Марат Сұлтанғазиев АЭС салып, оны одан әрі дұрыс пайдалану үшін Үлкен ауылында Индустриалды аймақ құруды тапсырған.
![](/assets/thumbnails/a8/a8f3e09d9ef1ff0432031725a008ab62.jpg ""Бұл өнерді жалғастыру үшін махаббат, құштарлық қажет" - Нұрғали Темірұлы, зергер")
