Алмас Айдаров бұған дейін 2017 жылғы 26 шілдеден бастап "Сарыарқа" әлеуметтік-кәсіпкерлік корпорациясы директорлар кеңесінің мүшесі болған.
Мемлекет басшысы Алмас Айдарұлы Айдаров Қазақстан Республикасы сыртқы істер министрінің орынбасары қызметіне тағайындады, деп хабарлайды ERNUR.KZ Ақордаға сілтеме жасап.
"Мемлекет басшысының Өкімімен Алмас Айдарұлы Айдаров Қазақстан Республикасы Сыртқы істер министрінің орынбасары қызметіне тағайындалды" , - деп жазылған Құжатта.
Айта кетейік, Алмас Айдаров 1983 жылы Жамбыл облысында өмірге келген.
Ол 2004 жылы Әл-Фараби атындағы Қазақ ұлттық университетін, 2009 жылы Қазақстан Республикасы Президентінің жанындағы Мемлекеттік басқару академиясын бітірді.
Айдаров еңбек жолын 2004 жылы бастаған.
Ол 2004 жылдан 2017 жылға дейін бірнеше мемлекеттік мекемелерде еңбек етті.
Шенеунік 2017 жылдың 28 маусымында Қарағанды облысы әкімінің өнеркәсіп, шағын және орта бизнесті дамыту, сондай-ақ индустрияландыру және инвестициялар жөніндегі орынбасары болып тағайындалды.
2017 жылғы 26 шілдеден бастап "Сарыарқа" әлеуметтік-кәсіпкерлік корпорациясы директорлар кеңесінің мүшесі болды.
