Мемлекеттік материалдық резервтер комитетінің төрағасы қызметінен босатылды

ERNUR.KZ. Бақытбек Иманәлиев ҚР ЦДҚАӨМ Мемлекеттік материалдық резервтер комитетінің төрағасы лауазымынан босатылды, деп жазады tengrinews.kz.

"ҚР цифрлық даму, қорғаныс және аэроғарыш өнеркәсібі министрінің бұйрығымен Бақытбек Зүбайраұлы Иманәлиев Қазақстан Республикасының Цифрлық даму, қорғаныс және аэроғарыш өнеркәсібі министрлігінің Мемлекеттік материалдық резервтер комитетінің төрағасы қызметінен босатылды", - делінген хабарламада.

Биыл сәуірдің басында, Мемлекеттік қызмет істері және сыбайлас жемқорлыққа қарсы іс-қимыл агенттігі Мемлекеттік материалдық резервтер комитетінің төрағасы қызметтік өкілеттілігін асыра пайдаланған деген күдікке ілінгенін хабарлаған еді.