Ойын бизнесі: лицензиясы жоқ интернет-ресурстар тізімі жаңартылды

Тізімге заңмен тыйым салынған интернет-казино белгілері бар 1820 бірегей желілік мекенжай енді, деп хабарлады министрліктің баспасөз қызметі.

"Тізімге комитет анықтаған заңсыз онлайн-казино мен заңсыз букмекерлік қызметтер енгізілді. Сонымен қатар тізім Telegram және WhatsApp мессенджерлерінен толықтырылып отырады", - деп жазылған хабарламада.

Заңсыз ойын бизнесінің таралуына бей-жай қарамайтын азаматтар күдікті сайттар мен әлеуметтік желілердегі парақшалардың сілтемелерін жібереді.

Тізімге Vavada, Sultan Games, Pin Up, Play Fortuna, Riobet, Casino-X секілді танымал платформалар да енгізілген.

Анықталған ақпарат "Кибернадзор" ақпараттық жүйесіне енгізіліп, Қазақстан Республикасының аумағында олардың қызметін шектеу үшін заң тұрғысынан бағалау жүргізіледі.

Естеріңізге сала кетейік, мұндай ресурстарды анықтаумен 2024 жылғы 4 қыркүйекте құрылған министрліктің Ойын бизнесін және лотереяны реттеу комитеті айналысады.