Кәсіпкер Орифджан Шадиев өкілеттігін асыра пайдаланғаны үшін кінәлі деп танылған.
ERNUR.KZ. Жақында Алматыда кәсіпкер Орифджан Шадиев ісі бойынша үкім шыққан. Бұл туралы журналист Михаил Козачков Telegram-арнасында жазды, деп жазады tengrinews.kz.
Кәсіпкер Орифджан Шадиев өкілеттігін асыра пайдаланғаны үшін кінәлі деп танылған. Салдарынан Asia Credit Bank-ке 16 миллиард теңгедей шығын келтірілген. Кәсіпкермен қоса көмекшісі Михаил Соловьев те сотталған.
Журналист Михаил Козачков кәсіпкердің ісіне қатысты мән-жайды түсіндіріп берген. 2019 жылы кәсіпкер Asia Credit Bank-тың бұрынғы иесі Нұрбол Сұлтаннан акцияларын сатып алған. Келісімшарты қарапайым - Нұрбол Сұлтан банкті береді, Шадиев кепілді босатады және бірнеше несиелер бойынша және осы міндеттемелерді өзіне алады. Ол кезде әңгіме 16 миллиард 699 миллион теңгенің мүлігі туралы болған.
Екі тарап келіскеннен кейін банкті кепіл мүлкімен қамтамасыз еткен, яғни Алматының жоғарғы бөлігіндегі 7 жер учаскесі, оның құны қарыздардың жалпы сомасын жауып тастады. Алайда, содан кейін Орифжан Кабулович кепілдерді ауыстыруға шешім қабылдады. Өтімді активтердің орнына банк тау алыбында 100 гектардан артық бір учаскеге құжаттар қабылдады (Алматыдағы элиталық ауданнан). Мүліктің бағалау құны 46 миллиард теңгеден асты.
Бірақ Asia Credit Bank өзіне міндеттелген нәрселерді орындай алмай, салдарынан лицензиясы алынып, ал кәсіпорынды басқаруды Қаржы нарығын реттеу және дамыту агенттігінің тарату комиссиясы қолына алған. Комиссия қалай жұмыс істеген? Ол банктегі барлық нәрсені бағалайды, содан кейін активтерді сатуға қояды және осылайша клиенттер мен несие берушілер алдындағы міндеттемелерді өтеуге тырысады.
Ал тексеру барысында кепілге қойылған учаскенің құны 46 миллиард болмай шыққан. Себебі ол жердің пайдалану мақсаты - шаруа қожалығы болған. Ал құжатта ол жерге жеке тұрғын үй салуға болатыны жазылған. Бұл учаскенің құнына әсер етеді.
Салдарынан Орифджан Шадиев кінәсін мойындап, 1,5 жылға бас бостандығынан айырылған. Ал оған көмектескен Михаил Соловьев кінәсін жартылай мойындап, 1 жылға бас бостандығынан шектелген. Олар ең аз қауіпсіздік колониясында жазасын өтейді. Сондай-ақ, сотталғандар банкке келтірілген залалды сол 16 миллиард көлемінде өтеуі керек. Үкім заңды күшіне енген жоқ.
