Павлодарда 7 жасар қыз үш күннен бері іздестіріліп жатыр

19.11.2023 16:02

1 384

Жоғалған қыз туралы хабарлама 17 қараша күні сағат 21:14-те түскен.

ERNUR.KZ. Павлодарда жоғалып кеткен 7 жастағы қыз үш күннен бері әлі табылмай жатыр.Бұл туралы облыстық төтенше жағдайлар департаментіндегілер мәлімдеді, деп жазады sputnik.kz.

"Сағат 08:00-де қызды іздеу жұмыстары қайта жалғасты. Қазіргі уақытта 319 адам мен 72 техника жұмылдырылған. Ауа-райы тікұшақты пайдалануға әлі де мүмкіндік бермей тұр. Кеше іздеу жұмыстары тікұшақпен 50 шақырым, жаяу және автокөлікпен 25 шақырым жерде жүргізілді", - деп жазылған хабарламада.

Екпіні секундына 20 метрден асатын желдің күшеюіне байланысты ведомство өкілдері облыс тұрғындарынан көшеге шықпауды сұрады. Павлодар облысының төтенше жағдайлар департаментінде штаб құрылып, сенім телефоны жұмыс істейді.

Еске салсақ, жоғалған қыз туралы хабарлама 17 қараша күні сағат 21:14-те түскен. Жеті жасар қыз Екібастұз қаласынан 55 шақырым жердегі Қоянды ауылдық округіне қарасты Бесқауға ауылында үшінші сыныпта оқиды.