Павлодарда жас қыз төртінші қабаттан құлап кетті

Облыстық жедел жәрдем станциясының мәліметінше, 14 наурыз күні сағат 13:04-те Ген. Дүйсенов мекенжайындағы тұрғын үйдің төртінші қабатынан адам құлағаны туралы хабарлама түсті. Медициналық бригада төрт минуттың ішінде жетті.

«Зардап шеккен қыз реанимацияға жатқызылды. Оның жамбас сүйектері сынған және басқа да ауыр жарақаттар алған», – деп хабарлады №1 қалалық ауруханадан.