Президент шыршасына қатысқан оқушыларға 100 мың теңгелік сертификат табысталды

Мерекелік шара еліміздің барлық қаласы мен облыс орталығында өтті.

Биылғы жаңажылдық шыршаның тақырыбы "Қош келдің, Жаңа жыл – жаңа белес, жаңа арман!" болды.

"Биыл шыршаға 9-13 жас аралығындағы 200 бала шақырылды. Еліміз бойынша кешке қатысқандардың жалпы саны 4 мыңнан асты", - деді оқу-ағарту министрлігі тәрбие жұмысы және қосымша білім беру басқармасы басшысының міндетін атқарушы Аман Сейітов.

Олар оқу үздіктері, түрлі конкурстар мен олимпиадалардың жеңімпаздары мен жүлдегерлері, жетім балалар, ата-анасының қамқорлығынсыз қалған балалар, аз қамтылған және көпбалалы отбасылардан шыққан балалар, сондай-ақ оқуда, спортта, шығармашылықта немесе қоғамдық өмірде жетістіктерге жеткен дарынды балалар.