Президенттікке кандидаттар 3 млн теңге жарна төлейді - ОСК

ERNUR.KZ. Президенттікке кандидаттар 3 млн теңге жарна төлейді. Бұл туралы Орталық сайлау комиссиясы төрағасының орынбасары Константин Петров мәлім етті, деп жазады azattyq-ruhy.kz.

«Сайлау туралы Конституциялық заңның 55-бабының 1-тармағына сәйкес президенттікке кандидаттар ұсыну құқығы белгіленген тәртіппен тіркелген республикалық қоғамдық бірлестіктерге тиесілі. Ұсыну туралы шешім республикалық қоғамдық бірлестіктің жоғары органы мүшесінің жалпы санының көпшілік даусымен қабылданады», - деді Константин Петров.

Сондай-ақ, ОСК төрағасының орынбасары кандидаттардың заң талаптарына сәйкес келетіндігі өтініш бергеннен кейін 5 күннің ішінде тексерілетінін айтты.

«Кандидаттардың Конституция мен сайлау туралы Конституциялық заңның талаптарына сәйкестігін анықтауды Орталық сайлау комиссиясы республикалық қоғамдық бірлестіктің жоғары органы отырысының кандидатты ұсыну туралы хаттаманы, дауысқа түсуге келісімі туралы өтініші және кандидаттың сайлау жарнасын төлегенін растайтын түбіртекті өткізгеннен кейін 5 күн ішінде жүзеге асырады. Жарна мөлшері - 3 млн теңге», - дейді ол.