ДДСҰ QazVac вакцинасын тіркеп, оң нәтижесін береді дегенге кепілдік бар ма? Орталық коммуникациялар қызметінде өткен брифингте журналистер спикерлерге осындай сұрақ қойды.
ҚР премьер-министрінің орынбасары Ералы Тоғжанов бұған күмән келтірмейтінін жеткізді, деп хабарлайды ERNUR.KZ.
«Отандық вакцина уақыт тексеруінен өтті. Қаншама азамат QazVac вакцинасын алды. Оны шығарудың арқасында Қазақстанның аты да шықты. Дүниежүзіндегі 6 мемлекеттің қатарына Қазақстан 5-ші болып кірді. Қазіргі кезде вакцинаны 40 шақты ел сұрап жатыр. Бұл оның жоғары деңгейінің көрсеткіші деп қабылдауға болады. Ал ДДСҰ-ның вакцинаны тіркеу бойынша нақты талаптары бар, оны үшінші ұлттық регуляторға сәйкес келтіруіміз керек. Бүгінгі таңда әлемдік мамандар мен ғалымдар оның деңгейінің жоғары екендігін мойындады. Үшінші деңгейге жеткеннен кейін QazVac-тың тіркеуден өтетініне ешқандай күмәнім жоқ», - деді Е.Тоғжанов.
Сонымен қатар, үкімет басшысының орынбасары 25 мемлекетпен өзара вакцина паспортын мойындау туралы шешімдер қабылданып, отандық вакцинамен басқа елдерге бару мүмкіндігі беріліп отыр.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
