Қосшы сауналарының бірінде болған оқиға әлеуметтік желіде тараған видеодан белгілі болды.
ERNUR.KZ. Қосшы қаласының соты сауна қызметкерін ұрып-соққан ер адамды қамауға алуға санкция берді. Қылмыстық іс "Бұзақылық" бабы бойынша қозғалды, деп жатады sputnik.kz.
Еске сала кетейік, Қосшы сауналарының бірінде болған оқиға әлеуметтік желіде тараған видеодан белгілі болды. Мекемеге келушілердің бірі төлем жасауды сұраған қызметкерді соққыға жыққан. Ер адам әйелдің денесі мен басынан ұрып, еденге құлатқан.
"Қосшыдағы сауналардың бірінде болған бұзақылық фактісі бойынша күдіктінің әрекеті Қазақстан Қылмыстық кодексінің 293-бабының 1-бөлігі бойынша квалификацияланды. Сот оған қатысты қамауға алу түріндегі бұлтартпау шарасын санкциялады. Сотқа дейінгі тергеу амалдары жүргізілуде, оның қорытындысы бойынша процессуалдық шешім қабылданады", - деп хабарлады Ақмола облысы полиция департаментінің баспасөз қызметі.
Еске сала кетейік, бұзақылық үшін 2000 АЕК-ке дейінгі мөлшерде айыппұл салу немесе екі жылға дейін бас бостандығынан айыру жазасы қарастырылған.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
