Сериал актері Көкшетауда есірткі сатқаны үшін ұсталды

0
88

Соның нәтижесінде 4500 доза есірткі айналымға түспей, дер кезінде оған тосқауыл қойылды.


Сериал актері Көкшетауда есірткі сатқаны үшін ұсталды

скриншот

ERNUR.KZ. Көкшетау қаласында байланыссыз тәсілмен есірткі сатумен айналысқан азамат қолға түсті. Оның Қазақстанда түсірілген сериалдарында түскен актер екені белгілі болған, деп жазады ulysmedia.kz.

Тінту барысында оның пәтерінен электронды таразы, арнайы жабдықтар және жалпы салмағы 1,5 келіге жететін мефедрон мен «аlfa-PVP» синтетикалық есірткісі тәркіленген.

Қылмыстық әрекеттің дәлелдерін тереңдете зерттеу үшін күдіктінің телефоны тексеріліп, есірткі жасырылған орындардың нақты мекенжайы анықталған. Соның нәтижесінде 4500 доза есірткі айналымға түспей, дер кезінде оған тосқауыл қойылды.

Тергеу барысында күдіктінің бұған дейін отандық сериалдарға түскені белгілі болған. Ол өз кінәсін толық мойындап, қазіргі таңда уақытша ұстау изоляторына қамалды. Құзырлы органдар сотқа дейінгі тергеуді жалғастыруда.