Шығыс Қазақстан облысында қар көшкіні болды

ERNUR.KZ. «Қазселденқорғау» ММ мәліметінше, «Өскемен - Самара» автожолының 101-ші шақырымында қар көшкіні болды, деп жазады BAQ.KZ.

Жауын-шашынның мол түсуіне және желдің күшеюіне байланысты жалпы көлемі 370 м3 қар көшкіні өздігінен түскен.

Зардап шеккендер мен қираулар жоқ. Қар көшкіні жолды жауып тастады. Жол «Облшығысжол» ЖШС күшімен тазартылды.

Өңірде 2025 жылғы 17-20 қаңтар аралығында облыстың таулы аудандарында көшкін қаупі жарияланды.

ТЖМ тұрғындарға тауға барудан бас тартуды ұсынады. Көшкін қаупі бар көптеген ошақтар автомобиль жолдарына қауіп төндіреді, олардың жанынан өтіп бара жатқанда тоқтамаңыз, қауіпті аймақтан тез кетіңіз.

Ұялы телефоннан барлық шұғыл қызметтерді шақыру үшін бірыңғай нөмір - «112».