Талдықорғанда "ҚазАгроҚаржы" филиалының экс-директоры өз көлігінен өлі табылды

ERNUR.KZ. Талдықорғанда "ҚазАгроҚаржы" филиалының Алматы облысы бойынша экс-директоры өзінің жол талғамайтын көлігінен өлі табылды, деп жазады tengrinews.kz.

Оқиға 13 желтоқсанда таңертең Көктем шағынауданында болған. Оқиға орнынан түсірілген видеолар әлеуметтік желіде жарияланды. Кадрлардан көліктердің бірінен мәйіт табылғандықтан, полицияның Koktem Grand қонақүйінің жанындағы көлік тұрағын қалай қоршауға алғаны көрінеді.

Полиция мәліметінше, 47 жастағы жергілікті тұрғынның денесі Toyota Hilux Pick Up көлігінің салонынан табылған.

"Ер адам атыс қаруын қолданып өз-өзіне қол жұмсаған деген болжам бар. Қажетті сараптамалар тағайындалып, соталды тергеу басталды", - деп хабарлады Жетісу облыстық Полиция департаменті.

"ҚазАгроҚаржы" марқұмның Алматы филиалының экс-директоры Ержан Устаев екенін растады.

"ҚазАгроҚаржы" АҚ ұжымы Ержан Устаевтың туған-туыстары мен жақындарына қайғыларына ортақтасып көңіл айтады. Ержан Устаев біздің компанияда 21 жылдан астам еңбек етіп, Жетісу өңірінің (Алматы облысы) ауыл шаруашылығы саласының дамуына зор үлес қосты. Біз Ержанды жанашыр, шыншыл адам ретінде білдік", - делінген хабарламада.

Ашық ақпарат көздеріне сүйенсек, Ержан Ұстаев 1975 жылы Жамбыл облысы Жуалы ауданында дүниеге келген. 4 қыркүйекте ол 47 жасқа толды