Тоқаев Әлия Молдағұлованың мемориалдық кешеніне гүл шоқтарын қойды

0
140

Биыл қазақтың қайсар қызының туғанына 100 жыл толды.


Тоқаев Әлия Молдағұлованың мемориалдық кешеніне гүл шоқтарын қойды

Сурет: akorda.kz

2025 жылғы 25 маусымда Мемлекет басшысы Қасым-Жомарт Тоқаев Ақтөбеге келіп, алдымен Кеңес Одағының Батыры Әлия Молдағұлованың мемориалдық кешеніне гүл шоқтарын қойып, оны бір минут үнсіздікпен еске алды, деп хабарлайды ERNUR.KZ Ақорда баспасөз қызметіне сілтеме жасап.

Ақорда 2025 жылы Қазақстанда қазақ халқының атақты қызының туғанына 100 жыл толатынын нақтылады.

Сонымен қатар, мемлекет басшысы Ақтөбе облысына сапары барысында Әлия Молдағұлованың ескерткіші жанында жергілікті жұртшылықпен кездесті.

"Әлия Молдағұлова – халқымыздың қайсар қызы. Бүгін 100 жылдығына орай арнайы келдім. Бұл, ең алдымен, азаматтық борышым. Тағзым ету үшін келіп отырмын. Баршаңызға көп рақмет. Әлияның есімін халқымыздың арасында, шетелде кең ауқымда дәріптеуіміз керек. Ол – біздің мақтанышымыз. Сондықтан оның есімі біздің жадымызда мәңгі сақталады", – деді Қасым-Жомарт Тоқаев.

Сондай-ақ Президент қазіргі алмағайып заманда бірлікті, татулықты сақтау өте маңызды екеніне назар аударды.