Топырақ шөгіп барады: «Майқайыңалтында» жедел штаб отырысы өтті

09.01.2024 08:12

797

Павлодар облысындағы жер опырылған орында іздеу жұмыстары жалғасып жатыр. Кеше кешкісін жедел штабтың кезекті отырысы өтті.

ERNUR.KZ. Шара барысынан өңір әкімі Асайын Байханов әлеуметтік желіде бейне жазбалардан үзінді жария етті. Бейне жазбада сарапшылардың мұнан арғы жұмыс барысы және болуы ықтимал тәуекелдер жайын талқылағанын байқауға болады , деп жазады inform.kz.

Жер опырылған учаскедегі жұмыстар 4 қаңтардан бері жүргізіліп жатыр. Бірақ, жұмысты қарқынды жүргізуге болмайды. Өйткені, бұл іздеу жұмыстарына жұмылдарылған мамандардың өміріне қауіпті. Топырақ шөге түсуде. Жұмысты жалғастыру үшін қорғаныс жиектерін жасау қажет.

«Бұл қауіпсіз жұмыс істеу үшін жасау қажет. Топырақтың сырғуы мұнан ары да төмендей береді. Шұңқырдың төмен жағы әлі де ойыла түсуі мүмкін», - деді видеода сарапшылардың бірі.

Бүгін жедел штабқа 50 жылдан астам еңбек өтілі бар тәжірибелі кенші Иван Терешков қосылды. Ол еңбек жолының 42 жылын «Майқайыңалтын» АҚ шахтасында өткізген.

«Геосканерлеу көмегімен автобустың болжамды құлаған жері анықталды. Оның құлаған жерінің тереңдігі қазандық түбінің жоғары ернеуінен шамамен 5 метрді құрайды. Арнаулы техникалар өтуі үшін ендеу жұмыстары жалғасып жатыр. Сонымен қатар мамандар топырақты қайтадан сканерледі. Оның нәтижесіне орай іздеу жұмыстары түзетілетін болады», - деді облыс әкімі Асайын Байханов.

Осыған дейін Павлодар облысында кен орнында ішінде адамдар бар автобус жер астына түсіп кеткенін жаздық.