Төтенше жағдайлар министрі Шыңғыс Әрінов Қостанай облысына барды

06.04.2024 13:43

1 016

Белгілі болғандай сапардың міндеті — су тасқыны жағдайын тұрақтандыру бойынша жұмысты үйлестіру.

Қазақстан Премьер-министрі Олжас Бектеновтің тапсырмасы бойынша Төтенше жағдайлар министрі Шыңғыс Әрінов таңертең Қостанай облысына келді, деп хабарлайды ERNUR.KZ ҚР ТЖМ баспасөз қызметі мәлімдеді.

Белгілі болғандай сапардың міндеті — су тасқыны жағдайын тұрақтандыру бойынша жұмысты үйлестіру.

Кеше Тобыл өзені деңгейінің қарқынды көтерілуіне байланысты Тобыл және Қостанай қалаларының елді мекендерін су басу қаупі туындады. Жұмыс сапары барысында ведомство басшысы облыс әкімі Құмар Ақсақаловпен бірлесіп эвакуациялық пункттерді, су басқан аула учаскелерін және Қостанай ауданындағы корей көпіріндегі бөгеттерді аралады.

Еске сала кетейік, бүгін Қостанайда төтенше жағдай жарияланды. Қостанайда су басу қаупіне байланысты полицейлер мен құтқарушылар жергілікті атқарушы органдармен бірлесіп 215 тұрғынды қауіпсіз жерге көшірді.