Көліктің үй жануарына қатты соғылғаны сонша, түйенің бас жағы көліктің үстіне шығып кеткен, ал денесінің төменгі жағы салонға кірген.
ERNUR.KZ. Маңғыстау облысында жеңіл көлік түйеге соғылды. Жол апатынан жүргізушінің жанында отырған әйел қайтыс болды, деп жазады Sputnik Қазақстан.
Ресми мәліметке сәйкес, жол апаты 11 қарашада болған. Мercedes-benz көлігінің жүргізушісі жолға шығып кеткен түйені байқамай қалған. Содан автомобиль қатты жылдамдықпен жануарға соғылды.
"Жол апаты, шамамен, кешкі сағат 19:15-те Ақтау-Құрық тас жолында болған. Жолаушы әйел оқиға орнында көз жұмды. Ал жарақат алған көлік жүргізушісін Маңғыстау облыстық ауруханасына жеткізді. Осы оқиға Мұнайлы аудандық полиция бөлімшесіне тіркелді", - дейді полицейлер.
Айта кетейік, әлеуметтік желілерде жол апатына ұшыраған көліктің фотолары тарап жүр. Автомобильдің үй жануарына қатты соғылғаны сонша, түйенің бас жағы көліктің үстіне шығып кеткен. Ал денесінің төменгі жағы салонға кірген.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
