ҰБТ-2023: Ереже бұзған 273 талапкердің тест нәтижесі жойылды

Оның ішінде талапкерлердің 76%-ы қазақ тілінде, 24%-ы орыс тілінде, 292 рет ағылшын тілінде тестілеуден өтті.

Ұлттық тестілеу орталығың мәліметінше, ҰБТ басталғалы шекті балды жалпы талапкеркердің 79%-ы жинаған. Орташа балға келетін болсақ, ол 70 балды құрады. Төрт адам ең жоғары көрсеткіш көрсетіп, 137 балл жинады.

ҰБТ-ның аяқталуына бірнеше күн қалды. Жақында ғана грант тізімі жарияланды. Гранттардың басым бөлігі "Инженерлік, өңдеу, құрылыс салалары" білім беру бағдарлама топтарына бөлінді, олардың саны 18 744 грантты құрайды. Ал "Педагогикалық ғылымдарға" – 12 560 грант, "Ақпараттық-коммуникациялық технологиялар" саласына – 10 103 грант, "Жаратылыстану ғылымдары, математика және статистика" бағытына – 7 388 грант бөлінді.

Сондай-ақ, "Серпін" бағдарламасы арқылы түсушілерге 3 653 грант қарастырылған. Жалпы, бакалавриатқа түсу үшін 2023-2024 оқу жылында 73 мыңға жуық грант бөлінген.

Айта кетейік, ерекше білім беру қажеттіліктері бар оқуға түсушілер үшін қолайлы жағдай жасаудың арқасында алты аптаның ішінде олар 719 рет ҰБТ-ға қатысты.

Бүгінгі таңда 365 талапкер смартфон, шпаргалка және басқа да тыйым салынған заттарды алып өту әрекеті салдарынан тест тапсыру мүмкіндігінен айырылды. Тестілеу кезінде ережелерді бұзғаны үшін аудиториядан 273 адам шығарылып, олардың нәтижелері жойылды. Бөгде тұлғалар анықталған жоқ.

Айта кетсек, 2023 жылғы ҰБТ аяқталғаннан кейін күнтізбелік жылдың 31 қазанына дейін тестілеудің бейнежазбаларына талдау жүргізіледі. Тыйым салынған заттарды пайдалану немесе ережелерді бұзу фактілері анықталған жағдайда түсушінің ҰБТ нәтижелері жойылады.