UFC президенті Дана Уайт ұйымның Қазақстанда турнир өткізу мәселесі бойынша жұмыс жүргізіп жатқанын мәлімдеді.
Фото: Жасанды интеллект көмегімен жасалды
ERNUR.KZ. Бұл туралы әлемдік MMA және UFC саласында танымал, беделді спорт журналистерінің бірі Аарон Бронстетер X әлеуметтік желісіндегі парақшасында жазды, деп жазады inbusiness.kz.
"White says that they are working on a future event in Kazakhstan" ("Уайт Қазақстанда болашақта турнир өткізу бойынша жұмыс жүргізіліп жатқанын айтты"), – деп жазды ол.
Аталған мәлімдеме UFC 333 турнирінен кейін Абу-Дабиде өткен баспасөз мәслихатында жасалған.
Журналистер Қазақстанда UFC турнирі қашан өтетінін сұрағанда, Дана Уайт: "Жақын арада. Біз осы бағытта жұмыс істеп жатырмыз", – деп жауап берген.
Әзірге турнирдің нақты күні, өтетін қаласы және қатысушылар құрамы жарияланған жоқ.
