ҰҚК басшысынан қаңтар оқиғасы кезіндегі жұмыс туралы сұралды

ERNUR.KZ. Ұлттық қауіпсіздің комитетінің басшысы Ермек Сағымбаевқа қаңтар оқиғасы кезіндегі жұмыс туралы сұрақ қойылды, деп жазады tengrinews.kz.

Ұлттық қауіпсіздік комитетінің басшысы басылымға берген сұхбатында арнаулы мемлекеттік органдардағы қызмет "ең алдымен кез келген күтпеген жағдайларға үнемі дайын болу және тез бейімделу қабілетін" талап ететінін айтқан.

"Ел үшін сол бір қиын-қыстау кезеңде Ұлттық қауіпсіздік комитетіне Мемлекет басшысы арнайы қызмет алдына қойған маңызды міндеттерді шұғыл шешу қажет болды. Бұл, ең алдымен, әлеуметтік жағдайды тұрақтандыру және конституциялық құқықты қорғау шараларын жүзеге асыру болды. Қазақстан халқы мен Президент алдында үлкен жауапкершілік тұрды.
Сондай-ақ, ол кездері республика азаматтарының комитетке деген сенімі айтарлықтай төмендегені жасырын емес еді. Кейбіреулер, қазір олар бұрынғы қызметкерлер өз өкілетін асыра пайдаланып, заң тұрғысынан қабылданбайтын әрекеттерге барған. Алдағы уақытта мұндай деректерге процессуалдық баға беріліп, олардың қайталанбауы үшін ұйымдастыру шаралары қолға алынғанын мәлімдеймін.
Былтыр қаңтарда жеке құрамды жинап, жедел-жауынгерлік тапсырмаларды орындауға жұмылдыру, рухты көтеру қажет болды. Бүкіл күш блогының бірлескен күш-жігерінің арқасында елдегі тәртіпті қалпына келтіруге және жағдайды тұрақтандыруға мүмкіндік туды", - деді ҰҚК басшысы Ермек Сағымбаев.

Ермек Сағымбаевтың айтуынша, Ұлттық қауіпсіздік комитеті "біріміз бәріміз үшін, бәріміз біріміз үшін" деген қағида бойынша құрылған үлкен ұжым.

"Жедел қызметкер болсын, талдаушы болсын, тергеуші болсын, техникалық маман болсын, арнайы жасақ сарбазы немесе қосалқы қызмет қызметкері болсын, әр қызметкердің еңбегі маңызды. Ұлттық қауіпсіздік академиясы түлектерінің саны көп болғаны қуантады. Өзінің кәсіби біліктілігін өз жұмысының нәтижесімен дәлелдеген комитет ұжымы қатары өсіп келеді. Олар да 15-20 жылдан аса тәжірибесі бар тәжірибелі мамандардан құралған жетекшілік ұжымда қызмет етіп жатыр", - деді Сағымбаев.

ҰҚК басшысының айтуынша, комитет алдында тұрған міндеттерді шешудегі негізгі жүк жедел қызметкерлердің мойнына жүктелген.

"Олар кейде бір жылдан аса зияткерлік күш-жігерді қажет ететін тапсырмаларды жүзеге асыратындар. Олар алған ақпарат көбінесе үкімет шешімдерінің негізі болып саналады. Негізінде, ерекшеліктер жұмысымыздың мазмұнын ашуға мүмкіндік бермейді, бірақ мен ҰҚК қызметкерлерінің көпшілігінің рухы мен отансүйгіштігі жоғары екенін нақты айта аламын. Біз ұлттық қауіпсіздік органдарына Отанға қызмет етуге дайын талантты жастарды қабылдауға дайынбыз", - деді Сағымбаев.

Еске салайық, бүгінде ұлттық қауіпсіздік органдарына 31 жыл толып отыр. 1992 жылы 13 шілдеде ҰҚК құру туралы Президенттің Жарлығына қол қойылды.