Алматыда "Яндекс.Такси" жүргізушісі жол қозғалысы ережесін бұзғаны үшін жазаланды.
ERNUR.KZ. Ер адам әлеуметтік желілерде таралған видеода ескерту жасаған тұрғынға дөрекі жауап берген. Бұл туралы қалалық Полиция департаменті бастығының тергеу жұмысы жөніндегі орынбасары Рустам Әбдірахманов хабарлады, - деп жазады Tengrinews.kz.
Құқық қорғау органдарының назарын аударған роликті Алматы тұрғындарының бірі түсірген. Видеодан такси жүргізушісі тоқтап, қоғамдық көлік аялдамасында тұрғанын көруге болады. Тұрғынның көлікті алып тастау туралы ескертуіне жүргізуші дөрекі жауап берген.
Видеоны тексеру Алматы ПД патрульдік полиция полкінің қызметкерлеріне тапсырылған. Құқық бұзушы анықталды - ол 10.03.1977 жылы туған Ш. есімді азамат болып шықты.
"Азамат Ш. ҚР Әкімшілік құқық бұзушылықтар туралы кодексінің 597-бабының 1-бөлімінде көзделген әкімшілік құқық бұзушылық жасағаны (Көлік құралдарын тоқтату немесе тоқтап тұру ережелерін бұзғаны) үшін жауапкершілікке тартылды. Электрондық хаттама: 08.02.2022 жылғы 227585230000887", - деп хабарлады Алматы қаласы ПД бастығының орынбасары.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
