Оқиға 29 тамыз күні кешкі уақытта болған.
ERNUR.KZ. Жамбыл облысындағы кәмелетке толмаған ағайындылар көрші ауылдағы әкесіне бармақ болып, жүк пойызының соңғы вагонына мініп, кейін секіріп түскен. Қазір екі бала ауруханада жатыр, деп жазады zakon.kz.
Оқиға 29 тамыз күні кешкі уақытта болған.
Көліктегі полиция департаменті баспасөз қызметінің хабарлауынша, жүріп бара жатқан жүк пойызындағы балаларды шопан байқап, полицияға хабарлаған.
"Іздестіру жұмыстары нәтижесінде 9 жастағы бала Билекөл ауылының маңынан, ал оның 7 жастағы інісі Жұма станциясының маңынан табылды. Балалар ауруханаға жатқызылды", - дейді көліктегі полиция депарматентінің баспасөз қызметі.
Ведомствоның мәлімдеуінше, балалар Жамбыл облысы Тамды ауылындағы әжесінің үйінде болған.
"Қараусыз қалған балалар көрші ауылда тұратын әкесіне баруды ұйғарған. Сол үшін вокзалда балалар жүк пойызының соңғы вагонына мініп алған. Пойыз жылдамдығын арттыра бергенде, балалар қорқып, Жұма станциясының маңында секіріп кеткен", - деп жазады көліктегі полиция департаментінің баспасөз қызметі.
Бұл факті бойынша Қазақстан Республикасы Қылмыстық кодексінің 344-бабының 1-бөлігі (Темір жол қозғалысы қауіпсіздігі қағидаларын бұзу) бойынша сотқа дейінгі тергеу басталды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
