Жедел жәрдем қызметкерлерін дөрекі әрекеттерден қорғау үшін видеожетон тәсілін енгізілмек.
Фото: Мақсат Шағырбаев/ Kazinform
ERNUR.KZ. Бұл жайында Денсаулық сақтау министрі Ақмарал Әлназарова Үкімет отырсынан кейін өткен баспасөз мәслихатында айтты, деп жазады inform.kz.
- Біз бүкіл шақыртуларды тіркейтін видеожетон тағу тәсілін енгіземіз. Сол үшін №225-бұйрық шығардық. Әкімдіктер осы бұйрық негізінде қажетті қаражат бөлу керек. Жыл аяғына дейін кезең-кезеңмен осы жұмысты жүргіземіз деп ойлаймын. Алматы да осы тәжірибені пысықтап көрдік. Бұл медицина қызметкерлерін де, кейбір дөрекі базбұзарларды да тәртіпке салады, - деді ол.
Бұған дейін Денсаулық сақтау министрлігі елдегі санитариялық автокөліктерді GPS навигациясымен жабдықтау 100 пайызға жеткенін мәлім еткен болатын.
