Жоғалған альпинистерді іздеуге әскерилер ұшып шықты

ERNUR.KZ. Тянь-Шань тауында жоғалған Қазақстан альпинистерін іздеп табу үшін Жеңіс шыңына әскери альпинистер ұшып шықты, деп хабарлайды ktk.kz.

«Әскери альпинистер апат орнын айналып қарап шығу үшін Қарқара лагерінен Жеңіс шыңының іздеу жұмыстары жүргізіліп жатқан тұсына ұшып шықты», - деп хабарлайды Қорғаныс министрлігінің Ақпарат және коммуникациялар департаменті.

Еске салсақ, Іле Алатауының қырғыз жағында алматылық альпинистер Мұрат Өтепбаев, Андрей Корнеев және Александр Чечулин жоғалып кетті.