Бірінші кезеңде 3 сұранысқа ие қызмет іске қосылды.
ERNUR.KZ. Қазақстанның ХҚКО-дағы кезектерді азайту мақсатында ҚР Цифрлық даму, инновациялар және аэроғарыш өнеркәсібі министрлігі уәкілетті органдармен бірлесіп, жоғары сұранысқа ие 10 қызметке реинжиниринг жүргізуді жоспарлап отыр. Олар барлық сұраныстың шамамен 80%-ын құрайды. Бұл туралы ОКҚ алаңында өткен баспасөз конференциясында ҚР цифрлық даму, инновациялар және аэроғарыш өнеркәсібі вице-министрі Дмитрий Мун мәлімдеді.
«Яғни, біз осы 10 мемлекеттік қызметке назар аудардық. Біз оларды автоматтандыру ХҚКО-ға жүктемені және тиісінше кезекті екі есе азайтуға көмектеседі деп ойлаймыз», – деп нақтылады спикер.
Бірінші кезеңде 3 сұранысқа ие қызмет іске қосылды. Бұл – «Электрондық үкімет» порталы және еGov Mobile қосымшасы арқылы жеке куәліктерді ауыстыру. Сондай-ақ ЭЦҚ берудің бизнес-процесі өзгертілді және енді бұл қызмет биометриядан өту мүмкін болмаған жағдайларды қоспағанда, онлайн режимінде қолжетімді. Жүргізуші куәлігін ауыстыру толығымен онлайн режимінде жүзеге асырылды.
Вице-министр 45 мемлекеттік қызмет проактивті форматқа ауыстырылғанын, онда мемлекеттің өзі азаматтың өтінішінсіз қызметті ұсынатынын атап өтті.
Сонымен қатар жасанды интеллект негізінде еGov көмекшісі іске қосылды. Оған сұрақтарды қарапайым тілде қойып, түсінікті жауап алуға болады.
