Бүгінгі таңда Әйелдер қанаты 150-ден астам белсенді қатысушыны біріктіреді. Бұл құрамның әлеуметтік және кәсіби тұрғыдағы әртүрлілігі олардың жұмысына кешенді сипат береді.
«AMANAT» партиясының Шымкент қалалық филиалы жанындағы Әйелдер қанаты қазіргі қоғамдағы әйелдердің рөлін нығайтуға, олардың әлеуметтік және экономикалық тұрақтылығын арттыруға бағытталған 10 басым бағыт бойынша жүйелі және белсенді жұмыс жүргізуде. Бұл жұмыстың ауқымдылығы мен нәтижелілігі келтірілген нақты деректерден айқын көрінеді, бұл Әйелдер қанатының қала өміріндегі маңыздылығын көрсетеді.
2025 жылдың басынан бері Әйелдер қанатының ұйымдастыруымен және аймақтағы белсенді әйелдердің тікелей қатысуымен 70-тен астам іс-шара өткізілген. Бұл іс-шаралардың мазмұны әртүрлі болып, әйелдердің кәсіби, жеке және әлеуметтік өмірінің барлық салаларын қамтыды. Сонымен қатар, Әйелдер қанатының қызметі туралы ақпараттық кеңістіктегі белсенділігі жоғары – БАҚ пен әлеуметтік желілерде 200-ден астам мақала мен пост жарияланып, қоғамдағы әйелдер мәселелеріне деген қызығушылықты арттырды.
Бүгінгі таңда Әйелдер қанаты 150-ден астам белсенді қатысушыны біріктіреді. Бұл құрамның әлеуметтік және кәсіби тұрғыдағы әртүрлілігі олардың жұмысына кешенді сипат береді. Атап айтқанда, Әйелдер қанатында:
- Маслихат депутаттары – 6 адам;
- Шағын және орта бизнес өкілдері – 31 адам;
- Азаматтық сектор – 10 адам;
- Қаржы және қызмет көрсету саласы – 9 адам;
- Білім және ғылым – 41 адам (ең көп үлес);
- Денсаулық сақтау – 32 адам;
- Мәдениет пен өнер – 10 адам;
- БАҚ және блогерлер – 11 адам жұмылдырылған.
Әсіресе, білім және ғылым (41) мен денсаулық сақтау (32) саласының өкілдерінің көп болуы Әйелдер қанатының қоғамның әлеуметтік тұрақтылығын қамтамасыз етуге бағытталған жұмысының басымдығын көрсетеді.
«Әйел Аманаты»
«AMANAT» партиясының «Әйел Аманаты» республикалық бағдарламасының аясында Шымкентте әйелдерді қолдау мен оларды ағартуға арналған «Қарашаш ана» өңірлік бағдарламасы іске қосылды және арнайы іс-шаралар жоспары бекітілді. Бұл бағдарламаның мақсаты – қазақ халқының дәстүріндегі ана бейнесін дәріптей отырып, әйелдердің құқықтық, денсаулықтық және кәсіби сауаттылығын арттыру.
Түрлі бағыттарда өткізілген маңызды шаралар ең алдымен репродуктивтік денсаулыққа негізделген. Яғни, студенттер мен жас ата-аналар үшін маңызды болып табылатын репродуктивтік денсаулық мәселелері бойынша арнайы оқыту семинары ұйымдастырылды.
Сондай-ақ, тәрбие және ата-ана жауапкершілігі де қамтылған. Балаларды тәрбиелеу мәселелері бойынша мұғалімдер мен ата-аналармен мазмұнды кездесулер өткізіліп, тәжірибе алмасу алаңы құрылды.
Кәсіби дағдыларды арттыру бойынша әйелдерге арналған «Дәріс айту өнері, дауыс қою» тақырыбында өткізілген семинар ерекше назар аударуға тұрарлық. Бұл шараға эксперт ретінде журналист, тележүргізуші, жаңалық дикторы шақырылып, кәсіби дағдыларымен бөлісті. Бұл іс-шара аймақтағы әйелдердің көшбасшылық және коммуникациялық дағдыларын дамытудағы маңызды қадам болды, олардың қоғамдық пікірге әсер ету қабілетін арттыруға бағытталды.
«Осы жерде және қазір» - қоғамдық қабылдауда мәселелер тез шешіледі
Әйелдер қанатының жұмысындағы ең тиімді тетіктердің бірі – бұл партия филиалының қоғамдық қабылдауында ай сайын әйелдердің жеке мәселелері бойынша тұрақты түрде өтетін қабылдаулар. Бұл қабылдаулар «осы жерде және қазір» принципі бойынша жұмыс істейді, яғни мәселелерді жедел шешуге басымдық беріледі. Қабылдауды психолог, заңгер, мемлекеттік мекеме басшылары, жергілікті атқарушы органдар, Жұмыспен Қамту Басқармасы (ЖҚБ) және БАҚ өкілдері жүргізеді.
Нақты нәтижелерді келтіретін болсақ, 18 әйел жұмысқа орналастырылса, 15 әйел кәсіби заңгерлік кеңес және адвокаттық сүйемелдеу алды. Сонымен қатар, тұрмыстық зорлық-зомбылық құрбандарына психологиялық көмек көрсетіліп, 20-дан астам отбасыға қайырымдылық көмегі берілді.
Сондай-ақ, қайырымдылық акциялары белсенді жүргізілуде. «Бала мектепке дайын» акциясы аясында Әйелдер қанатының сарапшыларының қатысуымен 100 бала мектепке қажетті заттармен қамтамасыз етілді. Оларға қосымша киноға бару, аттракциондар және тәттілер түріндегі сыйлықтар ұйымдастырылды. Инклюзивті қоғамды қалыптастыру мақсатында «Тең мүмкіндіктер» инклюзивтік фестивалінің өңірлік турнирі өткізіліп, жеңімпаз командалар республикалық турнирге жіберілді.
Бұдан бөлек, әйелдердің еңбек құқықтарының сақталуын бақылау мақсатында «Әйелдерге дос кәсіпорын» жобасы іске асырылып, қаланың 10 ірі кәсіпорнында мониторинг жүргізілді. Нәтижелер еңбек жағдайларының стандарттарға сай екенін және әйелдердің еңбек құқықтарында ешқандай бұзушылықтар анықталмағанын көрсетті.
Шымкенттегі әйелдер жоғары азаматтық белсенділік пен әлеуметтік жауапкершілікті көрсетеді. Қалада 100-ден астам үкіметтік емес ұйым (ҮЕҰ) жұмыс істейді, олардың басым бөлігі тікелей әйелдер мен отбасылардың мүддесіне қызмет етеді. Олардың ішінде:
- Шымкенттегі Әйелдер ресурстық орталығы;
- Әйел бастамаларының құқықтық орталығы «Сана-Сезім»;
- Қазақстандағы іскер әйелдер қауымдастығы;
- «Әйел денсаулығы мен әл-ауқаты» қоғамдық қоры;
- «Мәртебелі ана» қоры;
- Әйелдер мен отбасылық әл-ауқатты қолдау орталығы;
- Сонымен қатар, мен құрған және басқарып отырған «Mobil Komek» қайырымдылық қоры әйелдер мен балаларға жүйелі көмек көрсетуде.
Бұл ұйымдар қаланың мықты әлеуметтік негізін қалыптастырады және мемлекет, қоғам және бизнестің тиімді өзара әрекеттесуінің үлгісін көрсетеді.
Шымкенттегі Әйелдер қанаты қоғамдық жұмысты одан әрі жетілдіру және әйелдердің құқықтарын қорғау мақсатында бірқатар маңызды ұсыныстарды алға тартады.
- Әйелдерге арналған алғашқы мультимедиалық БАҚ құру, онда пайдалы материалдар мен сәттілік тарихтары жарияланып, қазіргі қазақ әйелінің позитивті бейнесі қалыптастырылуы тиіс.
- Алимент төлеуді бақылауды күшейту. Бұл әлеуметтік мәселені шешу үшін:
- Алимент төлеушілердің біртұтас цифрлық реестрін жасау;
- Оны салық және банк мәліметтерімен интеграциялау;
- Кірістерді жасырғаны немесе төлемегені үшін әкімшілік жауапкершілікті енгізу;
- Алимент алмай жүрген аналарға уақытша мемлекеттік қолдау көрсету ұсынылады.
- Партиялық БАҚ-та «AMANAT әйелдері» атты тұрақты рубриканы ұйымдастыру.
- «100 үлгілі әйел» челленджін іске қосу – белсенді әйелдердің тарихын БАҚ, мектептер және әлеуметтік желілер арқылы кеңінен насихаттау.
- Отбасы күніне арналған жыл сайынғы мерекені ұйымдастыру, қаладағы бес ауданнан көпбалалы отбасыларды қатыстыру.
- Әсіресе жас аналар мен студенттер үшін әйелдерге қаржылық сауаттылық бағдарламаларын дамыту, мұны шеберлік сабақтары мен қысқа курстар арқылы жүзеге асыру.
- Мамандық бойынша жылжымалы мобильді топтар құру – дәрігерлер, психологтар, заңгерлер және әлеуметтік қызметкерлер әйелдерге аудан мен елді мекендерде кеңес беру және кездесулер өткізу үшін.
«AMANAT» партиясы Шымкент қалалық филиалы жанындағы Әйелдер қанатының төрайымы Керимбаева Наргиза Абайдуллақызы қазіргі трансформация мен жаңару кезеңінде әйелдер Цифрлы Қазақстанды құруда стратегиялық рөл атқарып отырғанын айтады.
- Олар реформаларға белсенді қатысып, өзгерістердің көшбасшыларына айналып, экономикаға, ғылымға, білімге, мәдениетке және әлеуметтік салаға өз үлестерін қосуда.
Қазақстан Республикасының Президенті Қасым-Жомарт Кемелұлы Тоқаев өзінің Жолдауында «Әйелдердің қоғамдық процестерге және шешім қабылдауға қатысуы мемлекеттік жүйенің тиімділігін едәуір арттырады» деп атап көрсетті.
Сондықтан біздің басты міндетіміз — әрбір әйел өз мүмкіндігін кәсіби, отбасы және қоғам өмірінде толық жүзеге асыра алатын ортаны қалыптастыру, еліміздің өміріне белсенді араласып, азаматтық қоғамның дамуына үлес қосу, - дейді ол.
«AMANAT» партиясының Шымкенттегі Әйелдер қанатының жұмысы әйелдердің қоғамдық өмірдегі саяси, әлеуметтік және экономикалық теңдігін қамтамасыз етуге бағытталған тиімді механизм болып табылады. Олардың бастамалары отбасы құндылықтарын нығайтуға және инклюзивті қоғам құруға зор үлес қосуда.
![](/assets/thumbnails/34/34d97ae76a9596e7029218843ce57407.jpeg ""Премьер-министр балаларға қатысты зорлық-зомбылықты ақтаған": Венгрияда халық наразылыққа шықты")
