Рейд кезінде 240 кәсіпкерлік нысанға тексеру жүргізілді.
иллюстрациялық сурет: ашық дереккөзден
Шымкент қаласы Әл-Фараби ауданында құрылған 6 мобильді топ сенбі-жексенбі күндері ауданға қарасты тойханалар мен қоғамдық тамақтанатын орындарға тексеру жүргізді, деп хабарлайды ERNUR.KZ.
Рейд кезінде 240 кәсіпкерлік нысан тексеріліп, оның 9-ында заң бұзушылықтар анықталды. Атап айтқанда, Бәйдібек би бойында орналасқан «Шұғыла», «Шымкент-Холл», Қазыбек би көшесіндегі «Мармелад», Бәйтереков көшесіндегі «Centrum», Д.Қонаев даңғылындағы «Bazaar» мейрамханалары карантиндік талаптарға бағынбай, той-томалақ өткізген.
Рейд барысында той иелеріне 1шілде күні жарияланған №20 Қаулының талаптары түсіндірілді. Ал кәсіпкерлік нысанға хаттама толтырылып, Әл-Фараби аудандық Санитариялық эпидемиологиялық бақылау басқармасына жіберілді.
Жалпы жыл басынан Әл-Фараби ауданында 403 кәсіпкерлік нысанға хаттама түзілді. Оның 11-і жеке кәсіпкер, 5-і заңды тұлға, қалғаны жеке тұлғалар.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
