Мереке қарсаңында 103 қызметіне жалпы тәжірибелі дәрігерлер мен педиатрлар тартылмақ.
Шымкент қаласы денсаулық сақтау басқармасының басшысы Н. Асылбековтың тапсырмасымен мереке күндері жедел жәрдем қызметі күшейтілген режимде жұмыс істейді, деп хабарлайды ERNUR.KZ.
Мереке қарсаңында 103 қызметіне жалпы тәжірибелі дәрігерлер мен педиатрлар тартылмақ. Олар қосымша медициналық көмек беретін болады.
Жалпы қалалық жедел жәрдем қызметінің 9 шағын стансасы бар. Күн сайын 100 бригада шақыртуға барады.
Айта кетейік, мамандар бірінші деңгейдегі шұғыл шақыртуға 10 минутта, екінші деңгейге 15 минутта, үшінші минутта 30 минутта жетуі тиіс. Төртінші деңгейдегі шақыртуға 1 сағаттың ішінде баруы қажет.
