Емдеу мекемелеріне қатысты арыз-шағым едәуір азайған.
Шымкент қаласында емханаларда үздік практика орталықтарын ашу бойынша жол картасы бекітілген. Қазіргі таңда мамандарды оқыту жұмыстары жүргізілуде, деп хабарлайды ERNUR.KZ.
Сонымен қатар, медициналық қызметтердің сапасы мен қолжетімділігін арттыру мақсатында бүгінде 20 емдеу орталығы аккредиттеуден өткен. Жыл соңына дейін медициналық ұйымдарды ұлттық аккредитациядан өткізуді 35%-ға жеткізу жоспарлануда.
Биыл қала аумағында өлім-жітім жағдайлары 17%-ға азайды. Қатерлі ісік 5%-ға, ал қан айналым жүйесі ауруларынан болатын өлім-жітім 26%-ға төмендеген.
