Шымкентте Полиция департаментінің рота командирі ұсталды

Шымкент қаласы бойынша Сыбайлас жемқорлыққа қарсы қызметі жергілікті полиция қызметіндегі жүйелі сыбайлас жемқорлық фактілерінің жолын кесті, деп хабарлайды ERNUR.KZ.

Қылмыстық қудалау орбитасына 30-дан астам полиция қызметкері мен олардың сыбайластары тартылып, оның ішінде 4 айыпталушы соттың санкциясымен қамауға алынды.

"Қызметтегі жалпы қамқорлығы үшін инспекторлардан жүйелі негізде 5 мыңнан 10 мың теңгеге дейінгі мөлшерде пара алғаны үшін 8-ші рота командирі әшкереленді", - делінген баспасөз хабарламасында.

Осы жылдың 7 шілдесінде қалалық тергеу соты оны 2 ай мерзімге қамауға алу түріндегі бұлтартпау шарасына санкция берді.

Өзге ақпарат тергеу мүддесінде жария етуге жатпайды.